Բազուկը՝ հիպերտոնիայի, ավելորդ քաշի, սակավարյունության դեմ, և՝ ոչ միայն

Բազուկն առանձնանում է մի շարք սննդարար նյութերի պարունակությամբ: Headinsider.net-ի հաղորդմամբ՝ այս բանջարեղենը հարուստ է A, C, PP, ինչպես նաև B խմբի վիտամիններով: Դրա բաղադրության մեջ մտնում են նաև այնպիսի կարևոր միկրոտարրեր, ինչպիսիք են քրոմը, երկաթը, պղինձը, ֆոսֆորը, ցինկը: Բացի այդ՝ բազուկը նաև նյութեր է պարունակում, որոնք հակաօքսիդանտ ազդեցություն են ունենում:

Կայքի հաղորդմամբ՝ բազուկով պատրաստված այս միջոցը կօգնի պայքարել մի շարք խնդիրների դեմ՝ դրական ազդելով սիրտ-անոթային, իմունային համակարգերի, աղեստամոքսային տրակտի աշխատանքի վրա: Սակայն ցանկացած միջոց օգտագործելուց առաջ հարկավոր է խորհրդակցել մասնագետի հետ՝ առողջությանը չվնասելու համար:

Հիպերտոնիա: Ըմպելիքի բաղադրիչներն ակտիվ նյութեր են պարունակում, որոնք անհրաժեշտ են սիրտ-անոթային համակարգի աշխատանքի կարգավորման համար: Այդ հանքանյութերը կարևոր են հիպերտոնիայի դեմ պայքարում:

Աթերոսկլերոզ: Ըմպելիքի բաղադրիչները դրական ազդեցություն են ունենում նաև անոթների վրա: Դրանք ամրացնում են անոթները, օգնում դուրս բերել դրանցում կուտակված խոլեստերինը: Այս միջոցը կօգնի նաև լայնացնել անոթները, նվազեցնել թրոմբների առաջացման հավանականությունը:

Միզասեռական համակարգի հիվանդություններ: Բազուկի օգտագործմամբ պատրաստվող միջոցը միզամուղ ազդեցություն ունի, պայքարում է քարերի առաջացման դեմ: Բացի այդ՝ ըմպելիքը հարուստ է նյութերով, որոնք հակաբորբոքային ազդեցություն ունեն, ինչի արդյունքում կարող է օգտագործվել միզասեռական համակարգի օրգանների վարակների դեմ պայքարում:

Աղեստամոքսային տրակտի հիվանդություններ: Պրոբիոտիկները կարևոր են նյութափոխանակության համակարգի աշխատանքի համար: Բազուկը կօգնի լավացնել նյութափոխանակությունը, աղիների աշխատանքը, ազատվել փորկապությունից, գազերից:

Ավելորդ քաշ: Այս միջոցի կալորիականությունը ցածր է, դրա բաղադրիչներն օգնում են արագացնել նյութափոխանակությունը, ազատվել ավելորդ կիլոգրամներից:

Սակավարյունություն: Բնական բաղադրիչներ պարունակող այս միջոցը նաև երկաթ է պարունակում, օգնում է պայքարել անեմիայի դեմ, ազատվել դրա հետևանքով նկատվող գլխապտույտից, թուլությունից:

Նյարդային համակարգի խնդիրներ: Ըմպելիքը կօգնի պայքարել անքնության, ինչպես նաև դեպրեսիայի դեմ: Կարող եք օգտագործել նաև գլխացավերի, ջղաձգումների դեպքում:

Պայքար վաղաժամ ծերացման դեմ: Բազուկը հարուստ է հակաօքսիդանտներով, որոնք պայքարում են ազատ ռադիկալների դեմ: Հակաօքսիդանտները պաշտպանում են մաշկի առողջությունը, պահպանում երիտասարդությունն ու առաձգականությունը: Դրանք ապահովում են նաև մազերի ու եղունգների առողջությունը:

Բաղադրիչներ

• 4 բազուկ
• 3 լիտր ջուր:

Պատրաստման եղանակը

Բազուկը մաքրեք, լվացեք, մանր կտրատեք:

Լցրեք տարայի մեջ, ավելացրեք սառը ջուր:

Տարան փակեք թանզիֆով: Դրեք մութ վայրում:

Բազուկը՝ հացով. բաղադրիչներ

• 2 մեծ բազուկ
• տարեկանի չոր հաց
• 4 լիտր ջուր
• 5 ճաշի գդալ շաքար:

Պատրաստման եղանակը

Բազուկը մաքրեք, լվացեք, անցկացրեք քերիչով: Լցրեք տարայի մեջ, ավելացրեք շաքարը:

Մանրացրած հացը և ջուրն ավելացրեք մյուս բաղադրիչներին:

Տարան փակեք թանզիֆով: Դրեք տաք վայրում, թողեք 4 օր:

Հարկավոր է պարբերաբար փոխել թանզիֆը:

Ըմպելիքը պահեք սառնարանում:

Ուշադրություն: Ցանկացած միջոց օգտագործելուց առաջ հարկավոր է խորհրդակցել մասնագետի հետ: Խուսափեք դրա օգտագործումից աղեստամոքսային տրակտի խնդիրների, գաստրիտի, հոդերի հիվանդությունների, հիպոտոնիայի դեպքում:

Նյութը հրապարակման պատրաստեց 168.am-ը