Դավիթ Շահնազարյանը՝ իր դստեր և Աննա Հակոբյանի մասին
Վերջին օրերին համացանցում տարածում են Դավիթ Շահնազարյանի դստեր՝ Լիլիթ Շահնազարյանի լուսանկարը, որտեղ նա ՀՀ վարչապետի պաշտոնակատար Նիկոլ Փաշինյանի կնոջ՝ Աննա Հակոբյանի հետ է, և նշում են, որ ՀՀԿ համամասնական ցուցակի թեկնածու Դավիթ Շահնազարյանի դուստրը Աննա Հակոբյանի հետ մտերիմ է, որի կողքին է եղել նաև հեղափոխության օրերին։
Այսօր լրագրողների հետ զրույցում Դավիթ Շահնազարյանն անդրադարձավ այդ խոսակցություններին` նախ նշելով, որ, եթե իր դուստրը մտերիմ է վարչապետի պաշտոնակատարի տիկնոջ հետ, ապա դա որևէ կապ չունի քաղաքականության հետ։
«Լուսանկարները, որոնք հրապարակել էին, արվել են 2008 թվականին, հանրահավաքների լուսանկարներ են»,- նշեց Դ. Շահնազարյանը։
Նշենք, որ այսօր Դավիթ Շահնազարյանն ընտրություններին մասնակցեց 9/50 ընտրատեղամասում և ընտրություններին եկել էր իր դստեր՝ Լիլիթ Շահնազարյանի հետ։
Զվարթ Խաչատրյան
