«Ամեն ինչ ցույց կտա ժամանակը». Ծառուկյանը՝ վարչապետ դառնալու մասին
«Ինչքան շատ ձայն ստանանք, այնքան ավելի շատ պարտավորված ենք կատարելու»,- այսօր թիվ 29/29 ընտրատեղամասում քվեարկությունից առաջ լրագրողների հետ զրույցում ասաց ԲՀԿ առաջնորդ Գագիկ Ծառուկյանը։
«Արել եմ, անում եմ, անելու եմ, ինչքան կվստահեն, այնքան էլ կանենք»,- հայտարարեց Ծառուկյանը։
Նա ընդգծեց, որ քարոզարշավի ժամանակ երբևէ չի ասել, որ անպայման իրեն ընտրեն.
«Ասել եմ՝ ձեր ցավը տանեմ, դուք եք ապրելու, ձեր երեխաները, ում հավատում եք, ում վստահում եք, ում արած գործը տեսել եք, նրան էլ տվեք»։
Հարցին՝ եթե ԲՀԿ-ն մեծամասնություն հավաքի, ի՞նքն է դառնալու վարչապետ, Ծառուկյանը պատասխանեց. «Ամեն ինչ ցույց կտա ժամանակը»։
