Արթուր Բաղդասարյանը քվեարկել է խելացի ծրագրերով երկիրը կառավարելու, նոր աշխատատեղերի ստեղծման օգտին
«Օրինաց երկիր» կուսակցության նախագահ, կուսակցության ցուցակը գլխավորող Արթուր Բաղդասարյանը կատարեց իր ընտրությունը:
Նա քվեարկեց Նիկոլ Աղբալյանի անվան թիվ 19-րդ դպրոցում տեղակայված 9/49 ընտրատեղամասում:
«Քվեարկեցի Հայաստանի զարգացման, նորարարական, խելացի ծրագրերով երկիրը կառավարելու, նոր աշխատատեղերի ստեղծման, այլ ոչ թե կրճատման, Հայաստանի առջև ծառացած բազում ներքին ու արտաքին սպառնալիքները նորարարարական մոտեցումներով կառավարելու և հանգուցալուծելու օգտին»,- լրագրողների հետ զրույցում ասաց Արթուր Բաղդասարյանը:
Նրա դիտարկմամբ՝ ընդհանուր առմամբ քվեարկությունը ընթանում է նորմալ, ընտրախախտումների վերաբերյալ ահազանգեր էլ դեռ չունեն:
Հարցին շանս տեսնո՞ւմ եք, որ կհայտնվեք խորհրդարանում՝ ՕԵԿ նախագահը պատասխանեց՝ «Վստահաբար»:
Անի Կարապետյան
