Աֆղանստանում 14 զինծառայող է զոհվել թալիբների հարձակման հետևանքով
Աֆղանստանում 14 զինծառայող է զոհվել երկրի հյուսիս-արեւմուտքում «Թալիբան» շարժման զինյալների կողմից կատարված հարձակման հետեւանքով, եւս 20 զինվորականների առեւանգել են: Այդ մասին հայտնել է Tolo News հեռուստաալիքը՝ վկայակոչելով Հերաթի նահանգի նահանգապետի ներկայացուցիչ Ջայլանի Ֆարհադին:
Նրա խոսքով՝ զինյալները բանակային պահակակետի վրա հարձակվել են դեկտեմբերի 6-ի ուշ երեկոյան: Միջադեպի մանրամասնությունները չեն ներկայացվում, հաղորդել է ՌԻԱ Նովոստին:
