Ծաղկավաճառների գործը հասավ Վանեցյանին. yerevan.today

Կառավարության դիմաց վաղ առավոտ բողոքի ցույց էին անում ծաղկավաճառները։ «Հանրապետական» մարզադաշտի մոտ երկար տարիներ վաղ առավոտից ծաղիկ վաճառողները բողոքում էին, որ տեղի վարձը 500 դրամից աստիճանաբար հասել է 2000 դրամ։ Նրանք պահանջում էին վարձը իջեցնել 1000 դրամով, բացի այդ՝ ստեղծել մարդկային պայմաններ։

«Մի քանի տարի առաջ 500 դրամ ա եղել: Դրանից հետո սարքեցին 1000 դրամ, 1500 դրամ, հիմա էլ 2000 ենք վճարում: Ինչի՞ համար: Ոչ մի բան չի փոխվել, ոչ մի ներդրում չեն արել: Ծաղիկը նույն գինն ունի, մի օր թանկ, մի օր էժան, մի օր ծախվում է, մի որ չի ծախվում: Մենք ստաբիլ՝ տարին 365 օր, կանգնում ենք, օրական վճարում ենք 2000 դրամ: Իմաստը ո՞րն է: Գոնե ներդրում լինի, գոնե գնաս կանգնես մաքուր, փակ տարածք լինի»,- նշեց ծաղկավաճառներից մեկը:

Մեկ այլ ծաղկավաճառ էլ ներկայացրեց իրենց առաջնային պայմանը, որն է՝ «գումարի իջեցումը»: Ծակվաճառները նաև մարդկային պայմաններ են պահանջում, հատուկ տարածք, որ «տանիք լինի, տաքություն լինի»:

Մանրամասները՝ yerevan.today-ի տեսանյութում