Գաբրիել Ղազարյանը նշանակվել է սպորտի և երիտասարդության հարցերի նախարար
Այսօր կառավարության նիստի սկզբում ՀՀ վարչապետ Նիկոլ Փաշինյանը շնորհավորեց նորանշանակ նախարարներին՝ ԱԻ նախարար Ֆելիքս Ցոլակյանին, ՀՀ տրանսպորտի, կապի և ՏՏ նախարար Հակոբ Արշակյանին, ՀՀ էներգետիկ ենթակառուցվածքների և բնական պաշարների նախարար Գարեգին Բաղրամյանին:
«Հարգելի՛ պարոնայք, հաջողություններ եմ մաղթում ձեզ նախարարական պաշտոնում»,- ասաց վարչապետը:
Ն.Փաշինյանը տեղեկացրեց, որ Գաբրիել Ղազարյանը նշանակվել է սպորտի և երիտասարդության հարցերի նախարար, հրամանագիրը ստորագրելու համար արդեն ներկայացվել է ՀՀ նախագահին:
