Դավիթ Բեկի փողոցում ավտոբուսը բախվել է գազատար խողովակին. տուժածներ չկան
Հոկտեմբերի 6-ին, ժամը 22:29-ին «911» ծառայությանն ահազանգ է ստացվել, որ Երևան քաղաքի Դավիթ Բեկի փողոցում՝ «Դոմուս» հիպերմարկետի մոտակայքում, տեղի է ունեցել ՃՏՊ, ավտոբուսը բախվել է գազատար խողովակին, առկա է արտահոսք. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ ավտոբուսը (վարորդը՝ Գ. Պ., ծնված 1960 թ.) բախվել է գազատար խողովակին և վնասել այն:
Փրկարարները հոսանքազրկել են ավտոբուսը և իրականացրել հերթապահություն. տուժածներ չկան:
