Նիկոլ Փաշինյանի հրավիրած հանրահավաքի մասնակիցները մեկ րոպե լռությամբ հարգեցին Շառլ Ազնավուրի հիշատակը
Հայաստանի Հանրապետության վարչապետ Նիկոլ Փաշինյանի հրավիրած հանրահավաքի մասնակիցները մեկ րոպե լռությամբ հարգեցին լեգենդար շանսոնյե Շառլ Ազնավուրի հիշատակը: Հանրահավաքի մեկնարկին նման առաջարկով հանդես եկավ ՀՀ վարչապետ Նիկոլ Փաշինյանը:
«Մինչև մեր այսօրվա քաղաքական ասելիքին անցնելը՝ ուզում եմ խոսել հետևյալի մասին. երեկ հայ ժողովուրդը մեծագույն մի կորուստ կրեց. 94-րդ տարում կյանքից հեռացավ հայ ժողովրդի մեծագույն զավակներից մեկը` Շառլ Ազնավուրը: Եկեք մեկ րոպե լռությամբ հարգենք մեր մեծ հայրենակցի հիշատակը»,- ասաց ՀՀ վարչապետը:
