«Այդ ատելության մթնոլորտն անընդհատ հրահրվում է». Արփինե Հովհաննիսյան
ԱԺ փոխնախագահ Արփինե Հովհաննիսյանը կոչ է անում՝ հասարակությունը չբաժանել սև ու սպիտակի, դադարեցնել ատելության մթնոլորտն ու լսել միմյանց:
Այսօր ԱԺ-ում լրագրողների հետ զրույցում Ա.Հովհաննիսյանը նշեց, որ գիտի՝ ժողովուրդը վրդովված է, ՀՀԿ-ի կողմից եղել են սխալներ, որոնք ստեղծել են միջավայր, որտեղ քաղաքացիների մոտ կարող են դժգոհություններ լինել:
«Բայց ես նաև չեմ կարող լինել երեսպաշտ ու չասել մեդալի հակառակ կողմի մասին: Այդ ատելության մթնոլորտն անընդհատ հրահրվում է, դրա վրա կառուցվում է ինչ-որ բան, դա փորձում են անընդհատ քարոզել: Դա ճիշտ չէ, սև ու սպիտակը համադրության մեջ է գեղեցիկ, սևն ու սպիտակը երբևէ չի կարելի հակադրել իրար: Չկա սև ու սպիտակ, բոլորս ՀՀ քաղաքացիներ ենք, որևէ մեկս արտագաղթել չենք պատրաստվում: Հետևաբար՝ մենք յուրաքանչյուրս պատասխանատվություն ենք կրում»,- ասաց Արփինե Հովհաննիսյանը:
