Ճապոնիայում ներկայացված ավտոմեքենան 90 տոկոսով պատրաստված է պլաստմասսայից
Ճապոնիայում ներկայացրել են աշխարհում առաջին ավտոմեքենան, որն 90 տոկոսով պատրաստված է տարատեսակ պլաստմասսաներից։ Ինչպես հայտնել է NHT հեռուստաալիքը, նոր կոնցեպտ-քառ է, որը մշակվել է ինովացիոն տեխնոլոգիաների ստեղծման կառավարական ծրագրի շրջանակում եւ Տոկիոյի համալսարանի գիտնականների ու ավտոշինարարների փոխգործակցության արդյունքն է:
Տարատեսակ պլաստմասսաների օգտագործման հաշվին ավտոմոբիլի քաշը 40 տոկոսով թեթեւ է սովորականից: Թեթեւացված քաշը թույլ է տալիս խնայել էներգիան եւ նոր հեռանկարներ է բացում էլեկտրամոբիլների զարգացման համար: Մեքենայում գլխավոր այն է, որ մինչ այժմ ավտոմոբիլաշինության մեջ պլաստմասսաների կիրառումը հնարավոր չէր համարվում դրանց անբավարար ամրության պատճառով:
Գիտնականներին հաջողվել է լուծել այդ խնդիրը՝ օգտագործելով տարբեր տեսակների պլաստմասսաների համակցումները: Սա աշխարհում առաջին ավտոմեքենան է, որի կարեւոր դետալների ու բաղադրիչների 90 տոկոսը բաղկացած է պլաստմասսաներից, հաղորդել է ՌԻԱ Նովոստին:
