«Ես ուղղակի ողբում եմ այդ կառույցի համար, եթե նման գնահատականներով է շարժվում». Սևակ Հակոբյան
«Ես Աշոտ Մելիքյանի վրա շատ զարմացած եմ»,- այսօր լրագրողների հետ հանդիպմանն այս մասին ասաց Yerevan.today կայքի խմբագիր Սևակ Հակոբյանը՝ անդրադառնալով Խոսքի ազատության պաշտպանության կոմիտեի նախագահ Աշոտ Մելիքյանի այն հայտարարությանը, թե խուզարկության համար նաև դեր է խաղացել այն, որ Yerevan.today-ն արդեն կապվում է Ռոբերտ Քոչարյանի անվան հետ. «Կարծում եմ՝ էստեղ նաև քաղաքական ենթատեքստ կա»։
Մելիքյանը նաև ասել է. «Բայց էստեղ շատ կարևոր է, որ լրատվամիջոցները, և մանավանդ լրագրողական կազմակերպությունները չօգտագործվեն պարտված ռեժիմի կողմից քաղաքական նկատառումներով»։
Սևակ Հակոբյանի խոսքով՝ լինելով Խոսքի ազատության պաշտպանության կոմիտեի նախագահը, Աշոտ Մելիքյանն այլ հայտարարություն պետք է աներ. «Գուցե Բաց հասարակություններ հիմնադրամից?» տացած իր 34 հազար դոլարը սպառվել է և չի՞ կարող անդրադառնալ, իրավունքներ պաշտպանել։ Բայց ուղղակի ողբում եմ այդ կառույցի համար, եթե նման գնահատականներով է շարժվում»։
Նա ևս մեկ անգամ նշեց, որ ՀՀ երկրորդ նախագահ Ռոբերտ Քոչարյանը որևէ կապ չունի Yerevan.today-ի հետ։
Մանրամասները՝ 168.am-ի տեսանյութում
