Իրանում 20-ից ավելի մարդ է զոհվել ավտոբուսի վթարի հետևանքով
21 մարդ է զոհվել, եւս երեքը վերքեր են ստացել Իրանի Սպահանի նահանգում տեղի ունեցած խոշոր ճանապարհատրանսպորտային պատահարի հետեւանքով: Այդ մասին հայտնել է ISNA գործակալությունը՝ հղում անելով ոստիկանությանը:
«Սեպտեմբերի 18-ին ժամը 23:15-ին Թեհրանից Քերման ընթացող մարդատար ավտոբուսը բենզատարի է բախվել Բադրուդ քաղաքի մերձակայքում»,-հայտարարել է ոստիկանության ներկայացուցիչը:
Նշվում է, որ տուժածներին տեղափոխել են բուժհաստատություններ: Վթարի պատճառներն առայժմ հայտնի չեն, իշխանությունները հետաքննություն են կատարում, հաղորդել է ՌԻԱ Նովոստին:
