4 հիմնական տեսախցիկ ունեցող սմարթֆոն՝ Samsung-ից
Samsung-ը պատրաստվում է ներկայացնել 4 հիմնական տեսախցիկ ունեցող սմարթֆոն:
Սմարթֆոնի անոնսը պետք է տեղի ունենա Մալազիայում հոկտեմբերի 11-ին: Ակնկալվում է, որ ընկերությունը կներկայացնի այնտեղ նոր սմարթֆոն Galaxy շարքից:
Գովազդային պաստառի վրա գրված է «4 անգամ ավելի զվարճալի և ինքներդ ձեզ արտահայտելու միջոցներ»: Ենթադրվում է, որ խոսքը 4 սենսորներով տեսախցիկի մասին է:
Վերջերս ճանաչված ինսայդեր Ice Universe-ը գրել է, որ Հարավային Կորեան ներկայացնող հսկան պատրաստվում է նման սարք ներկայացնել: Սա կլինի շատ սպասված անոնս: Բոլոր չորս տեսախցիկները կտեղադրվեն հետևի վահանակին: Ընդհանուր առմամբ, սմարթֆոնը կստանա 5 կամ ավելի տեսախցիկ՝ հաշվի առնելով տեսախցիկը սելֆիի համար:
Ենթադրվում է, որ սմարթֆոնը կարող է դառնալ Galaxy A շարքի մի մասը, բայց սովորաբար այն ներկայացվում է S շարքից առաջ: Գուցե այս անոնսը կկայանա Galaxy S10-ի շնորհանդեսին: Մյուս կողմից՝ Samsung-ի գլխավոր տնօրենը նշել է, որ ընկերությունը նախատեսում է մինչև տարեվերջ հայտնաբերել առաջին ծալվող սմարթֆոնի մանրամասները: Մնում է սպասել հոկտեմբերի 11-ին:
Սիրարփի Աղաբաբյան
