Կիևում մասնավոր ուղղաթիռ է կործանվել
Ուղղաթիռ է կործանվել Կիեւի Տրուխանով կղզում, վիրավորվել է երկու ուղեւոր: Այդ մասին հայտնել է Ուկրաինայի մայրաքաղաքի ոստիկանության հաղորդակցությունների բաժինը:
«Տրուխանով կղզում ուղղաթիռի անկման վերաբերյալ տեղեկատվությունը ոստիկանության Դնեպրովսկի վարչության հերթապահ մասում ստացվել է 7:22-ին: Անմիջապես պատահարի վայր են ուղարկվել ոստիկանության կարգախմբեր, փրկարարներ ու բժիշկներ»,-ասված է Facebook-ում Կիեւի ոստիկանության էջում:
Ըստ նախնական տեղեկատվության, ուղղաթիռը քաղաքացիական է եւ պատկանում է մասնավոր ֆիրմայի: «Աղետի հետեւանքով երկու մարդ մարմնական վնասվածքներ են ստացել, նրանց հոսպիտալացրել են»,-նշել են Կիեւի ոստիկանությունում:
Ոստիկանները պարզում են պատահարի հանգամանքները, հաղորդել է «Ինտերֆաքս»-ը:
