«Այդ ես եմ կապվել «Ինտերի» հետ, այլ ոչ թե՝ հակառակը». Լուկա Մոդրիչ
«Ռեալի» կիսապաշտպան Լուկա Մոդրիչը հայտարարել է, որ «Ինտերը» չի խախտել ՖԻՖԱ-ի կանոնները՝ իր հետ քննարկելով հնարավոր տրանսֆերը:
Ավելի վաղ «Ռեալը» բողոք էր ներկայացրել ՖԻՖԱ «Ինտերի» վերաբերյալ, ով բանակցություններ էր վարել երկարաժամկետ պայմանագիր ունեցող ֆուտբոլիստի հետ: Իրավիճակի պարզաբանման համար ՖԻՖԱ-ն դիմել է անձամբ Մոդրիչին, ով հայտարարել է, որ ինքն է կապվել «Ինտերի» հետ, այլ ոչ թե՝ հակառակը:
Ըստ Լուկայի խոսքերի՝ նա ցանկանում էր տեղափոխվել միլանյան ակումբ, որպեսզի հանդես գա Խորվաթիայի հավաքականից երեք խաղընկերների՝ Իվան Պերիշիչի, Մարցելո Բրոզովիչի և Շիմե Վրսալկոյի հետ:
Լուկայի պայմանագիրը «Ռեալի» հետ նախատեսված է մինչև 2020 թվականը:
Պատրաստեց Անի Գաբուզյանը
