ՌԴ-ի, Թուրքիայի և Իրանի՝ Սիրիային նվիրված գագաթնաժողովը կկայանա Թեհրանում
Ռուսաստանի, Թուրքիայի եւ Իրանի ղեկավարների՝ Սիրիայի խնդրի կարգավորմանը նվիրված երրորդ հանդիպումը պլանավորված է սեպտեմբերի առաջին շաբաթվա ընթացքում Թեհրանում: Այդ մասին օգոստոսի 15-ին հայտնել է Թուրքիայի նախագահի ներկայացուցիչ Իբրահիմ Կալընը:
«Թուրքիայի, Ռուսաստանի եւ Իրանի նախագահների՝ Աստանային գործընթացի շրջանակներում Սիրիային նվիրված երրորդ եռակողմ հանդիպումը տեղի կունենա Թեհրանում»,- ասել է նա, հաղորդել է ՏԱՍՍ-ը:
