«Սուրբ Խաչ» կոչվող տարածքում մեքենան խափանվել է. փրկարարներն ուղևորներին տեղափոխել են
Օգոստոսի 15-ին` ժամը 04։37-ին, «911» ծառայությանն ահազանգ է ստացվել, որ Գեղարքունիքի մարզի Գավառ քաղաքի «Սուրբ Խաչ» կոչվող տարածքում «ԳԱԶել» մակնիշի ավտոմեքենան խափանվել է, ուղևորներին անվտանգ տարածք տեղափոխելու համար անհրաժեշտ է փրկարարների օգնությունը։
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները 5 ուղևորի տեղափոխել են Գավառ քաղաք։
