Նպաստառուների թիվն ու նպաստի միջին չափերը Հայաստանում
Ըստ ՀՀ աշխատանքի և սոցիալական հարցերի նախարարության սոցիալական ապահովության ծառայության ամփոփ տեղեկատվության, 2018թ. հուլիսի 1-ի դրությամբ ծերության, հաշմանդամության և կերակրողին կորցնելու դեպքում նպաստ ստացողների (նպաստառուների) թվաքանակը կազմել է 63 717 մարդ, նպաստի միջին չափը՝ 17 794.2 դրամ: Այս մասին տեղեկացնում է ՀՀ Վիճակագրական կոմիտեն։
Նպաստառուների քանակով ամենախոշոր խումբը հաշմանդամներն են։ Պաշտոնական տվյալներով, Հայաստանում հաշմանդամության նպաստ ստանում է 46 700 մարդ (19 234 կին, 27 466 տղամարդ)։ Հաշմանդամության նպաստի միջին չափը 18 213.5 դրամ է։
Ծերության նպաստ ստացողների թիվը 5 085 է (նպաստի միջին չափը՝ 16 000 դրամ), իսկ կերակրողին կորցնելու դեպքում նպաստ ստացողների թիվը՝ 11 932 (նպաստի միջին չափը՝ 16 917.9 դրամ)։
