Հայտնի են Չեմպիոնների լիգայի՝ իրենց դիրքերում լավագույն ֆուտբոլիստի կոչման հավակնորդները

Չեմպիոնների լիգայի 2017/18 մրցաշրջանի՝ իրենց դիրքերում խաղացող լավագույն ֆուտբոլիստների անունները հայտնի են:

Դարպասապահներ. Ալիսոն («Ռոմա», այժմ՝ «Լիվերպուլ»), Ջանլուիջի Բուֆոն («Յուվենթուս», այժմ՝ ՊՍԺ), Կեյլոր Նավաս («Ռեալ Մադրիդ»):

Պաշտպաններ. Մարսելո («Ռեալ Մադրիդ»), Սերխիո Ռամոս («Ռեալ Մադրիդ»), Ռաֆայել Վարան («Ռեալ Մադրիդ»):

Կիսապաշտպաններ. Կևին դը Բրյունե («Մանչեսթեր Սիթի»), Թոնի Կրոս («Ռեալ Մադրիդ»), Լուկա Մոդրիչ («Ռեալ Մադրիդ»):

Հարձակվողներ. Լիոնել Մեսսի («Բարսելոնա»), Կրիշտիանու Ռոնալդու («Ռեալ Մադրիդ», այժմ՝«Յուվենթուս»), Մոհամեդ Սալահ («Լիվերպուլ»):

Լավագույն  կին և տղամարդ ֆուտբոլիստների մրցանակները  կհանձնվեն օգոստոսի 30-ին Մոնակոյում՝ Չեմպիոնների լիգայի խմբային փուլի վիճակահանության շրջանակներում:

Ժյուրիի կազմում ընդգրկված են այն 32 ակումբների մարզիչները, որոնք խաղացել են Չեմպիոնների լիգայի խմբային փուլում 2017/18 մրցաշրջանի ընթացքում, ինչպես նաև 55 մարզական լրագրողներ ՈՒԵՖԱ-ի բոլոր ասոցիացիաներից, ովքեր  ընտրվել են  Եվրոպական սպորտային հրատարակությունների ասոցիացիայի կողմից: Մարզիչները չեն կարող քվեարկել իրենց թիմի խաղացողների համար:

Ժյուրիի անդամները յուրաքանչյուր դիրքում ընտրել են երեք խաղացողի: Առաջին տեղում գտնվողները ստացել են՝ հինգ, երկրորդը` երեք, երրորդը՝ մեկ միավոր:

Նախորդ մրցաշրջանի հաղթողներն են՝

Դարպասապահ. Ջանլուիջի Բուֆոն («Յուվենթուս»)

Պաշտպան. Սերխիո Ռամոս («Ռեալ Մադրիդ»)

Կիսապաշտպան. Լուկա Մոդրիչ («Ռեալ Մադրիդ»)

Հարձակվող. Կրիշտիանու Ռոնալդու («Ռեալ Մադրիդ»)

Սիրարփի Աղաբաբյան