Հայաստանի ու Թուրքիայի զինուժի մասնակցությամբ զորավարժությունները շարունակվում են
Վրաստանում շարունակվում են «Արժանի գործընկեր-2018» (Noble Partner-2018) օգոստոսի 9-ին սկսված զորավարժությունները, որին մասնակցում է 13 երկիր և 3000 զինվոր։ Վերջիններիս շարքում են նաև Հայաստանը, Ադրբեջանը և Թուրքիան։
Ընթացող զորավարժությունների մասին խոսել է Վրաստանի ցամաքային ուժերի արևմտյան հրամանատար, գեներալ մայոր Շավլեգո Թաբաթաձեն։ Կարևորելով զորավարժության նշանակությունը` նա ընդգծել է, որ գլխավոր նպատակը մասնակից երկրների զինված ուժերի համագործակցության ընդլայնումն է։
Թուրքական աղբյուրն ընդգծում է, որ Թուրքիայի զինված ուժերից մասնակցում է 4 սպա։ Վրաստանում ընթացող զորավարժությունները կավարտվեն օգոստոսի 15-ին։
