Կալանավորը մեկ ամսից ավելի է հացադուլի մեջ գտնվում
«Դատապարտյալների հիվանդանոց» ՔԿՀ-ում գտնվող հացադուլավոր Արսեն Խաչատրյանի առողջական վիճակը նորմալ է գնահատվում: Այդ մասին «Փաստինֆո»-ն տեղեկացավ Քրեակատարողական վարչության հանրային կապերի բաժնի պետ Նոնա Նավիկյանից:
Նա նաև տեղեկացրեց, որ կալանավորը գտնվում է բժիշկների հսկողության ներքո, իսկ հացադուլ է հայտարարել՝ դժգոհելով իր նկատմամբ հարուցված քրեական գործից:
Ըստ տեղեկությունների, կալանավորը հացադուլի մեջ է մեկ ամսից ավելի, կալանավորվել է թմրամիջոցների իրացման մեղադրանքով:
