Ծովագյուղ-Վարդենիս ավտոճանապարհին ճաքեր են առաջացել
Օգոստոսի 7-ին, ժամը 17:40-ին «911» ծառայությանը տեղեկություն է հաղորդվել, որ Ծովագյուղ-Վարդենիս Մ 14 ավտոճանապարհի 53-րդ կմ-ի մոտակայքում տեղի է ունեցել փլուզում. անհրաժեշտ է օգնություն:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատի օպերատիվ խումբը:
Պարզվել է, որ Սևանա լճի ջրի բարձրացման հետևանքով ճանապարհի ասֆալտի հիմքը (մոտ 150 մ) թուլացել է և ճանապարհի երթևեկելի հատվածում ճաքեր են առաջացել:
Փրկարարները սահմանազատել են տարածքը:
