Եգիպտոսի հանրաճանաչ առողջավայրում շնաձուկն սպանել է չեխ զբոսաշրջիկի
Եգիպտոսի Մարսա Ալամ հանրաճանաչ առողջավայրում շնաձուկն սպանել է Չեխիայից ժամանած զբոսաշրջիկի: Այդ մասին հայտնել է Daily Mail-ը՝ վկայակոչելով տեղական զանգվածային լրատվամիջոցները:
Նշվում է, որ զբոսաշրջիկն սպանվել է ափից 20 կիլոմետր հեռավորության վրա ջրադիմակով սուզման ժամանակ: Տղամարդու մարմնամասերը հայտնաբերվել են առողջարանային քաղաքի լողափին: Ինչպես նշում է հրատարակությունը, տղամարդը Մարսա Ալամում հանգստանում էր իր կնոջ եւ երեխայի հետ: Տեղի իշխանություններն ստեղծել են միջադեպի հետաքննության հատուկ խումբ:
Եգիպտոսում շնաձկից զբոսաշրջիկների մահվան վերջին դեպքը տեղի է ունեցել 2015 թվականին, երբ կենդանին սպանել էր Գերմանիայից ժամանած զբոսաշրջիկ կնոջը, հաղորդել է ՌԻԱ Նովոստին:
