«Չէ, սա վակխանալիա չէ։ Սա խայտառակություն է». Արմեն Աշոտյանը՝ ՀՔԾ տնօրեն Սասուն Խաչատրյանի հարցազրույցի մասին
ԱԺ արտաքին հարաբերությունների մշտական հանձնաժողովի նախագահ Արմեն Աշոտյանը ֆեյսբուքյան իր էջում անդրադարձել է ՀՔԾ տնօրեն Սասուն Խաչատրյանի՝ Հանրային հեռուստաընկերությանը տված հարցազրույցին.
«Մեղմ ասած, չհաջողված հարցազրույց։ Էլ չասեմ, որ դատարանի վաղվա նիստից առաջ՝ նաև անպատեհ։ 0038-ի մասով՝ ոչ համոզիչ։ Անձեռնմխելիության իրավունքի խախտման բացատրություններն էլ՝ տապալված։
Դե Wikileaks-ի արտահոսքի հիման վրա Արմեն Գևորգյանին առաջադրված մեղադրանքն էլ, որպես փաստ ՝ զավեշտ։
Չէ, սա վակխանալիա չէ։ Սա խայտառակություն է։
Աստված լուսավորի Մարտի 1-ի զոհերի հոգիներն ու պահահապան լինի մեր Հայրենիքին։
Հ.Գ. Հարգելի ՖԲՀ։ Խնդրում եմ, չմեկնաբանել։ Դիսկուսիայի համար չեմ գրել։ Իմ կարծիքն եմ հայտնել ։ Հայտնեք ձեր կարծիքը ձեր էջերում։ Շնորհակալ եմ»։
