««Միլանն» ինձ համար մեծ մարտահրավեր է». Գոնսալո Իգուաին
«Միլանի» նորեկ Գոնսալո Իգուաինը կիսվել է «Միլան» տեղափոխության վերաբերյալ իր տպավորություններով:
«Ես ուզում եմ շնորհակալություն հայտնել «Միլանին» այն մեծ ջանքերի համար, որ ներդրեցին նրանք ինձ այստեղ բերելու համար: Սա մեծ մարտահրավեր է ինձ համար: Ես հույս ունեմ, որ կարդարացնեմ այդ վստահությունը:
Ես միացել եմ անհավատալի պատմությամբ ակումբի: Երկրպագուներն արժանի են իսկական «Միլանի» վերադարձին:
Մենք Ալեգրիի հետ տարաձայնություններ ունեինք, բայց դրանք չեն, որ ինձ բերել են այստեղ: Միայն «Միլանի» մոտիվացիան:
Իմ տրանսֆերի համար մեծ դեր է խաղացել Լեոնարդոն: Elliott-ը (հեջ ֆոնդ, որին պատկանում է ակումբը) վստահություն է հայտնել վերադարձնել ակումբը առաջնային դիրքերի:
Եթե թիմը հավատում է իր հնարավորություններին, ապա կարող է հեռուն գնալ: Մենք պետք է ունենանք վստահություն, որ մենք անում ենք ճիշտ բաներ», – ասել է Իգուաինը:
Սիրարփի Աղաբաբյան
