Վերաքննիչ դատարանը ե՞րբ է քննելու Ռոբերտ Քոչարյանի կալանքի հարցը
Վերաքննիչ դատարանը դեռ չի նշանակել ՀՀ երկրորդ նախագահ Ռոբերտ Քոչարյանի կալանավորելու որոշման դեմ բողոքի քննության օրը։ Ռոբերտ Քոչարյանի պաշտպան Արամ Օրբելյանը 168.am-ին տեղեկացրեց, որ Վերաքննիչ դատարանն օրենքով սահմանված կարգով բողոքը ստանալուց հետո վարույթ իրականացնող մարմնից պահանջում է գործի նյութերը, որոնք ստանալուց հետո սահմանված է եռօրյա ժամկետ նիստի համար։
Ըստ նրա, ամենայն հավանականությամբ, դատարանը դեռ չի ստացել գործի նյութերը։
Հիշեցնենք, որ ՀՀ երկրորդ նախագահ Ռոբերտ Քոչարյանին կալանավորելու որոշման դեմ բողոքը Վերաքննիչ դատարանում քննելու է դատավոր Ալեքսանդր Ազարյանը։
