Բելառուսի նախագահի մամուլի քարտուղարը հերքում է Լուկաշենկոյի հիվանդության մասին տեղեկությունը
Բելառուսի նախագահի մամուլի քարտուղար Նատալյա Էիսմոնտն անհեթեթություն է որակել Ալեքսանդր Լուկաշենկոյի հիվանդության մասին տեղեկությունները: Այս մասին հաղորդում է «Interfax»-ը:
«Ես կարող եմ մեկնաբանել և ասել, որ դա ամբողջությամբ անհեթեթություն է: Ալեքսանդր Լուկաշենկոն ամբողջությամբ աշխատանքային ռեժիմում է»,- ասել է նախագահի մամուլի քարտուղարը:
Ավելի վաղ որոշ լրատվամիջոցներ տեղեկություն էին տարածել այն մասին, թե, իբր, Բելառուսի նախագահը ինսուլտ է տարել և դրա պատճառով իր ուղևորությունը հետաձգել է:
