«Երկիր, որը պետք է տեսնել». Nas Daily-ն տեսանյութով ամփոփել է Հայաստան կատարած այցը
Հայաստանի մասին ճանաչողական տեսահոլովակներ պատրաստելու նպատակով մեր երկիր այցելած բլոգեր Nas Daily-ն այցի ավարտին ամփոփիչ տեսանյութ է պատրաստել այստեղ իր կատարած բացահայտումների մասին: Բլոգերը նշել է, որ Հայաստանն այն երկրներից է, որի մասին շատերը գուցե չգիտեն, սակայն այն տարբեր առավելություններ ունի, որոնք արժանի են ուշադրության:
Nas Daily-ն պատմությունը սկսել է հայկական ջրի մասին իր կատարած բացահայտմամբ: «Ամեն տեղ, ուր գնացի, ես տեսա փոքր ցայտաղբյուրներ, որոնք մշտապես գործում էին: Ես ապշած էի՝ ինչ է տեղի ունենում Հայաստանում: Մարդիկ փողոցում կանգնում են, ջուր խմում ցայտաղբյուրներից, ապա հեռանում: Կարիք չկա ջուր գնել պլաստիկ շշերով: Ես հիացած էի: Սա անվճար ջրի երկիր է»,- նշել է Nas-ը:
Բլոգերը պատմել է Հայաստանի բոլոր դպրոցներում շախմատի պարտադիր դասընթացներ անցկացնելու մասին՝ ընդգծելով, որ այդ հատկանիշով սա աշխարհում միակ երկիրն է: Իսկ դպրոցական կրթությունից զատ հայ երեխաները ԹՈՒՄՈ ստեղծարար տեխնոլոգիաների կենտրոնում հնարավորություն են ստանում բացարձակապես անվճար սովորել տարբեր հմտություններ, ինչպես ծրագրավորում, երաժշտություն, դիզայն:
«Ես հիացած էի, թե ինչպես մի երկիր, որի մասին նախկինում չգիտեի, այսքան շատ բան անում է մյուսներից տարբերվող ձևով»,- նշել է բլոգերը:
Նա պատմել է, որ Հայաստանն աշխարհի հնագույն վայրերից է: «Սա առաջին երկիրն է, որն ընդունել քրիստոնեությունը որպես կրոն ու կառուցել առաջին եկեղեցիները»,- նշել է Nas Daily-ն՝ ընդգծելով, որ այսօր այստեղ բնակվելու են գալիս աշխարհի տարբեր ծայրերից:
Բլոգերն անդրադարձել է Երևանի Հանրապետության հրապարակի երգող շատրվաններին, որոնք ամեն երեկո իր շուրջն են հավաքում հազարավոր մարդկանց:
Նա ընդգծել է, որ Հայաստանն այն երկրներից է, որը բավարար ուշադրության չի արժանանում աշխարհի կողմից: Տեսահոլովակի վերջում համացանցում ավելի քան 7 մլն հետևորդ ունեցող Nas Daily-ն շնորհակալություն է հայտնել Հայաստանին հյուրընկալության համար:
This is one of my favorite videos!! Because it talks about what bothers me the most: how some countries just dominate our attention while others barely make it to our radar.Here is what I saw in one of the countries that not many people visit.And this is why I think you must see it too. Come share stories of your home at Nas Daily Global – a new group I'm starting just for this! I'm also on Instagram @nasdaily P.S This video is unsposnsored and apolitical. I received a ton of help from my friends at Repat Armenia to make this happen. This NGO is doing incredible work to put Armenia on the map and I am so happy to have worked together. You should get the credit for this video. Thank you for your help, Rima and Gevorg..Maureen and Alyne! P.S New upload time: 11 AM London Time! 🙂 Hello from London!
Gepostet von Nas Daily am Freitag, 27. Juli 2018
