Վթար Գյումրիում. տուժածներ չկան
Հուլիսի 25-ին, ժամը 13:23-ին «911» ծառայությանն ահազանգ է ստացվել, որ Շիրակի մարզի Գյումրի քաղաքի Սայաթ-Նովայի և Ռուսթավելի փողոցների խաչմերուկում տեղի է ունեցել ՃՏՊ, կա վառելիքի արտահոսք, տուժածներ չկան. անհրաժեշտ է օգնություն:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ «ԿռԱԶ» մակնիշի (վարորդը՝ Լ. Խ., 1961 թ.) բեռնատար ավտոմեքենան բախվել է ճամփեզրին կայանած «ՎԱԶ 2108» մակնիշի (վարորդը՝ Հ. Մ., 1955 թ.) ավտոմեքենային, ինչի հետևանքով «ԿռԱԶ» մակնիշի ավտոմեքենայից տեղի է ունեցել վառելիքի արտահոսք: Պատահարի հետևանքով տուժածներ չկան:
Փրկարարները հոսանքազրկել են ավտոմեքենաները և կատարել ճանապարհի լվացման աշխատանքներ:
