«Այժմ, «ՄՅՈՒ»-ն տարբեր թիմերի խաղացողների խումբ է: Առայժմ մենք չենք կարող ավելի լավ խաղալ». Մոուրինիո
«Մանչեսթեր Յունայթեդի» գլխավոր մարզիչ Ժոզե Մոուրինիոն մեկնաբանել է «Սան Խոսեի» (0:0) հետ ընկերական խաղի արդյունքը:
«Դա, ըստ էության, մեկ այլ ուսումնական հավաք էր: Այժմ մենք չենք կարող կոչվել թիմ: Այժմ, «ՄՅՈՒ»-ն տարբեր թիմերի խաղացողների խումբ է: Այժմ մենք լավ թիմ չունենք: Առայժմ մենք չենք կարող ավելի լավ խաղալ:
Դժվար է, երբ տասը հիմնական խաղացողները բացակայում են: Բայց մենք փորձում ենք գտնել մոտիվացիան, թեև դա հեշտ չէ: Մենք տարօրինակ իրավիճակում ենք, ուստի մոտիվացիան այն է, որ հնարավորինս լավ մարզվենք, խաղային պրակտիկա ստանանք և երիտասարդներին զարգանալու հնարավորություն ընձեռենք»,- ասել է Մոուրինիոն:
Սիրարփի Աղաբաբյան
