Օձ է հայտնաբերվել
Հուլիսի 20-ին՝ ժամը 22:35-ին, «911» ծառայությանն ահազանգ է ստացվել, որ Կոտայքի մարզի Գետարգել գյուղի 4-րդ փողոցի 3-րդ փակուղու տներից մեկի նկուղում նկատվել է օձ, որին բռնելու և անվտանգ տարածք տեղափոխելու համար անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Փրկարարները բռնել են կապարագույն սահնօձ տեսակի սողունին և տեղափոխել անվտանգ տարածք:
