«Իտալիայում Ռոնալդուն ավելի շատ գումար կվաստակի: Իսպանիայում հարկերի հետ կապված խնդիր կա». Լա լիգայի նախագահ
Լա Լիգայի նախագահ Խավիեր Տեբասը կիսվել է իր կարծիքով Կրիշտիանու Ռոնալդուի՝ «Ռեալ Մադրիդից» «Յուվենթուս» տեղափոխվելու հավանական պատճառների մասին:
«Իտալիայում Ռոնալդուն ավելի շատ գումար կվաստակի: Իսպանիայում հարկերի հետ կապված խնդիր կա: Կարծում եմ, որ ֆինանսապես ավելի նախընտրելի էր, որ նա տեղափոխվեր Իտալիա: Այստեղ՝ Իսպանիայում, հարկային խնդիրներ ունենք: Բոլոր խոշոր առաջնություններից ամենամեծ հարկերն Իսպանիայում են:
Այնպես չէ, որ այլ երկրներում հարկերը շատ ավելի ցածր են: Պարզապես, երբ մենք զգալիորեն ավելի շատ գումարներ եք վաստակում, այս փոքր տարբերությունը խաղացողների համար տպավորիչ է դառնում»,- ասել է Տեբասը Marca TV-ին:
Սիրարփի Աղաբաբյան
