«Աշխարհի գավաթը հաղթելու դեպքում ես դաջվածք կանեմ: Ճակատի վրա շատ տեղ կա». Ռակիտիչ
Խորվաթիայի ազգային հավաքականի կիսապաշտպան Իվան Ռակիտիչն Աշխարհի առաջնության կիսաեզրափակչից հետո կատակել է, որ Աշխարհի գավաթում հաղթանակի դեպքում պատրաստ է դաջվածք անել իր ճակատին:
– Հնարավոր չէ ավելի լավ զգացումներ հորինել: Ամենասկզբից, երբ սկսեցի խաղալ Խորվաթիայի ազգային հավաքականի կազմում, Աշխարհի գավաթի եզրափակչում խաղալը նվիրական երազանք էր:
Թեև եկեք անկեղծ լինենք, սկզբում մենք երազում էինք ընդամենը խոշոր մրցաշարերի եզրափակիչ փուլեր դուրս գալու մասին: Այժմ մենք պարզապես երջանիկ ենք:
– Արդյո՞ք հաջողության դեպքում կանեք նոր դաջվածք:
– Այո: Աշխարհի գավաթը հաղթելու դեպքում ես դաջվածք կանեմ: Ճակատի վրա շատ տեղ կա: Սակայն պետք է խորհրդակցեմ կնոջս հետ:
Սիրարփի Աղաբաբյան
