Ամուլսարում բնապահպանության և ընդերքի տեսչական մարմինը սկսել է ստուգումները. Բնապահպանության նախարար
ՀՀ բնապահպանության նախարար Էրիկ Գրիգորյանն այսօր կառավարության նիստից հետո լրագրողների հետ զրույցում հայտարարեց, որ Ամուլսարում բնապահպանության և ընդերքի տեսչական մարմինը սկսել է ստուգումները:
Ստուգումներն, ըստ նախարարի՝ մի քանի բաղադրիչով են լինելու. «Նախնական ստուգումների համար 10 աշխատանքային օր է նախատեսված: Ես կարծում եմ, որ հանքարդյունաբերության նման ծավալների զարգացումը ՀՀ-ի համար հեռանկարային չէ, քանի որ Հայաստանը կենսաբազմազանությամբ և իր բնական ռեսուրսներով աշխարհի գլոբալ բնապահպանական կետերից մեկն է»:
Նախարարի կարծիքով՝ երկարաժամկետ ծավալով հանքարդյունաբերության նման ծավալները արդարացված չեն. «Կրկին ուզում եմ շեշտել, որ կան իրավաբական և բովանդակային գործընթացներ: Ամեն ինչ օրենսդրական շրջանակում է իրականացվում, որպեսզի չկատարենք այնպիսի քայլեր, որոնք ռիսկեր կառաջացեն ՀՀ համար՝ այդ թվում իրավական, ֆինանսական և ռեպուտացիոն»:
