Թրամփը ցանկանում է ԱՄՆ-ը դուրս բերել Առևտրի համաշխարհային կազմակերպությունից. Axios
ԱՄՆ-ի նախագահ Դոնալդ Թրամփը քանիցս հայտարարել է իր վարչակազմի աշխատակիցներին, որ տրամադրված է ԱՄՆ-ը դուրս բերել Առեւտրի համաշխարհային կազմակերպությունից: Այդ մասին հայտնել է Axios ինտերնետ-պորտալը՝ հղում անելով Թրամփի շրջապատի մի աղբյուրի:
Հրատարակության զրուցակցի խոսքով՝ Թրամփը բազմիցս կոպիտ ձեւով հայտարարել է, որ ԱՄՆ-ի առեւտրական գործընկերներն ԱՀԿ-ի կանոններն օգտագործում են իրենց օգուտի համար: «Չգիտեմ՝ ինչու ենք մենք մինչ այժմ դրանում»,- աղբյուրը մեջբերել է ԱՄՆ-ի նախագահի խոսքը, հաղորդել է ՏԱՍՍ-ը:
