Երկրաշարժ Վրաստանում
4,3 մագնիտուդով երկրաշարժ է տեղի ունեցել Վրաստանի Քութայիս քաղաքում (Իմերեթի տարածաշրջան): Այդ մասին ասված է Սեյսմիկ մոնիթորինգի ազգային կենտրոնի կայքում զետեղված հաղորդագրության մեջ:
Ստորգետնյա ցնցումները գրանցվել են Թբիլիսիի ժամանակով ժամը 9:30-ին: Սոցցանցերում գրում են, որ երկրաշարժն զգացվել է նաեւ Թբիլիսիում: Քութայիսում ավերածությունների կամ տուժածների վերաբերյալ հաղորդումներ չեն ստացվել, հաղորդել է Sputnik-ը:
