Մանվելականները, վրեժից վախենալով, լքում են Էջմիածինը. գեներալի այգիներն անմշակ են մնացել. «Հրապարակ»
«Հրապարակ» օրաթերթը գրում է. «Երեկ տեղեկացանք, որ Մանվել Գրիգորյանի կինը՝ Նազիկ Ամիրյանը, ներկայացել է իրավապահներին, եւ նրան ձերբակալել են։ Նա կասկածվում է «մեծ քանակությամբ զենք եւ ռազմամթերք» ձեռք բերելու եւ պահելու մեջ՝ ՔՕ հոդված 235, 2-րդ մաս։ Իսկ մանվելականները շարունակում են «արտագաղթել» Էջմիածնից, Մանվել Գրիգորյանի ձերբակալությունից հետո գեներալի ընտանիքի եւ նրա բարեկամների ու մերձավորների նկատմամբ քաղաքում անհանդուրժողական մթնոլորտ է ձեւավորվել։
Մանվելականների ռեժիմից ազատագրված էջմիածնեցիներից ոմանք որոշել են վրեժ լուծել գեներալի շրջապատից։ Տեղեկություններ կան, որ շատերն այս օրերին լքում են իրենց բնակարանները եւ կվերադառնան, երբ կրքերը հանդարտվեն։
Ի դեպ, ասացին նաեւ, որ Մանվել Գրիգորյանի հեկտարներով խոտհարքներն ու այգիներն անմշակ են մնացել, որեւէ բանվոր այլեւս չի ցանկանում աշխատել այդ տարածքներում»:
Ամբողջությամբ կարող եք կարդալ «Հրապարակ» օրաթերթի այսօրվա համարում:
