«Խորվաթիան մեր ամենաուժեղ մրցակիցն էր այս առաջնությունում». Գիլֆի Սիգուրդսոն
Իսլանդիայի ազգային հավաքականի կիսապաշտպան Գիլֆի Սիգուրդսոնը խոսել է խմբային փուլի վերջին հանդիպման մասին, որտեղ իսլանդացիները պարտվեցին Խորվաթիայի ընտրանուն և լքեցին հետագա պայքարը:
«Ես հպարտ եմ նրանով, ինչի հասավ թիմը և յուրաքանչյուր ֆուտբոլիստ անհատապես: Մենք շատ հիասթափված ենք, որ չենք շարունակելու պայքարը, չնայած խումբը շատ բարդ էր:
Մենք ունեինք գոլ խփելու մի քան հնարավորություն, բայց չօգտագործեցինք դրանք: Խորվաթիան մեր ամենաբարդ մրցակիցն էր առաջնությունում: Նրանք շատ ուժեղ թիմ ունեն:
Մենք խաղում էինք նեյտրալ մարզադաշտում, բայց զգում էինք մեր երկրպագուների աջակցությունը: Ուզում եմ բոլորին շնորհակալություն հայտնել»,- նշել է Սիգուրդսոնը:
Սիրարփի Աղաբաբյան
