Իսրայելական երկու հրթիռներ զինապահեստ են խոցել Դամասկոսի օդանավակայանի մերձակայքում
Իսրայելական երկու հրթիռներ շիաների «Հըզբոլլահ» կուսակցությանը պատկանող զինապահեստ են խոցել Դամասկոսի օդանավակայանի մերձակայքում: Այդ մասին հայտնել է France-Presse գործակալությունը:
Նշվում է, որ իսրայելացի զինվորականները պարբերաբար հարվածներ են հասցնում Սիրիայի տարածքում տեղակայված օբյեկտներին: Այսպես, մայիսի 10-ին իսրայալական օդուժի հրթռահարվածներից զոհվել են սիրիացի երեք զինվորականներ, եւս երկուսը վերքեր են ստացել:
Այն ժամանակ գրոհի հետեւանքով ոչնչացվել էին ռադարային կայանը եւ ռազմամթերքի մի պահեստ, ինչպես նաեւ վնաս էր հասցվել հակաօդային պաշտպանության մի քանի հաշվարկների, հաղորդել է ՏԱՍՍ-ը:
