Փաշինյանի աներձագի հայտարարագիրը. «Փաստ»
«Փաստ» թերթը գրում է. «ՀՀ առաջին փոխվարչապետի պաշտոնը ստանձնած Արարատ Միրզոյանին Ազգային ժողովում փոխարինեց Հրաչյա Հակոբյանը, ով վարչապետ Նիկոլ Փաշինյանի աներձագն է:
Օրերս Բարձրաստիճան պաշտոնատար անձանց էթիկայի հանձնաժողովը հրապարակել է Հակոբյանի՝ իրենց ներկայացված 2018 թ. պաշտոնը ստանձնելու հայտարարագիրը:
Հրաչյա Հակոբյանը հայտարարագրել է երեք անշարժ գույք՝ հողամաս եւ երկու բնակարան: Որպես շարժական գույք է հայտարարագրել «BMW X5 4.6 IS» մակնիշի ավտոմեքենա: Պաշտոնը ստանձնելու օրվա դրությամբ չի ունեցել ո՛չ դրամական միջոցներ, ո՛չ եկամուտներ:
Հակոբյանը մասնագիտությամբ դերասան է, տարբեր տարիներին աշխատել է Երեւանի խամաճիկների պետական եւ Կամերային երաժշտության թատրոններում: Նկարահանվել է ֆիլմերում»:
Ամբողջությամբ կարող եք կարդալ «Փաստ» թերթի այսօրվա համարում:
