«Նրանց նախաձեռնությունը և ոգևորությունը ինձ դուր են գալիս` կա եռանդ». Վաչե Գաբրիելյանը՝ նոր կառավարության մասին
ՀՀ միջազգային տնտեսական ինտեգրման և բարեփոխումների նախկին նախարար Վաչե Գաբրիելյանը բարձր է գնահատել է Հայաստանի նոր իշխանության նախաձեռնությունը և ոգևորությունը:
«Նրանց նախաձեռնությունը և ոգևորությունը ինձ դուր են գալիս` կա եռանդ: Կառավարությանը պետք է ժամանակ, որովհետև երկու ամիսը չափազանց քիչ է , որպեսզի մենք կարողանանք դատողություններ անել արդյունքների մասին»,- լրագրողների հետ զրույցում ասաց Գաբրիելյանը:
Նա նշեց, որ նախկին կառավարության կողմից մշակվել է բազմաթիվ ծրագրեր, որոնք կարելի է շարունակել:
Հարցին, թե եղե՞լ են, արդյոք, նոր կառավարության կազմում աշխատելու վերաբերյալ առաջարկներ, Գաբրիելյանը պատասխանեց, որ քննարկումներ եղել են, սակայն ներկայումս նպատակահարմար չի գտնում աշխատել:
