«Իդեալական թիմեր չկան, չնայած իսպանացիները մեր խմբում ամենաուժեղն են». Ֆերնանդու Սանթուշ
Պորտուգալիայի ազգային հավաքականի գլխավոր մարզիչ Ֆերնանդու Սանթուշը խոսել է Իսպանիայի հետ առաջիկա խաղի մասին:
«Թե՛ մեր թիմը, թե՛ իսպանացիները ունեն նույն նպատակը՝ հաղթել: Չնայած սա առաջին խաղն է մրցաշարում: Առաջին խաղը միշտ բարդ է ստացվում:
Չգիտեմ՝ արդյո՞ք լավագույն խաղը սա կլինի խմբային փուլում, թե՞ ոչ, բայց մթնոլորտը հիանալի կլինի: Իդեալական թիմեր չկան, չնայած իսպանացիները մեր խմբում ամենաուժեղն են»,- նշել է Սանթուշը:
Հիշեցնենք, որ խաղը կայանալու է այսօր երեկոյան՝ Երևանի ժամանակով 22:00-ին:
Սիրարփի Աղաբաբյան
