«Յուվենթուսը» համաձայնեցրել է պայմանագիրը Գոլովինի հետ դեռ մի քանի շաբաթ առաջ
«Յուվենթուսն» առաջվա նման մտադիր է ձեռք բերել ԲԿՄԱ-ի և Ռուսաստանի հավաքականի կիսապաշտպան Ալեքսանդր Գոլովինին, ով Աշխարհի առաջնության Սաուդյան Արաբիայի դեմ խաղում (5:0) դարձավ գոլի հեղինակ, կատարեց երկու արդյունավետ փոխանցում և մասնակցեց 4 արդյունավետ հարձակումներին:
Թուրինցիները բանակցություններ են վարել խաղացողի գործակալի հետ և համաձայնեցրել են պայմանագիրը նրա հետ: Դա տեղի է ունեցել մի քանի շաբաթ առաջ:
Բանակցությունները ԲԿՄԱ-ի հետ դեռ չեն սկսվել:
Ավելի վաղ հաղորդվել էր, որ «Բանակայինները» Գոլովինի համար պահանջում են 25 մլն եվրո, իսկ «Յուվենթուսն» առաջարկում է մոտ 13 մլն՝ գումարած բոնուսները:
Պատրաստեց Անի Գաբուզյանը
