«Զվարթնոց» օդանավակայանում ՌԴ քաղաքացի է բերման ենթարկվել
«Զվարթնոց» օդանավակայանի գծային բաժնի ծառայողների կողմից ձեռնարկված օպերատիվ-հետախուզական միջոցառումների շնորհիվ հունիսի 14-ին՝ ժամը 04.50-ին, Մինսկ-Երևան չվերթի ժամանումից հետո «Զվարթնոց» օդանավակայանի գծային բաժին բերման է ենթարկվել ՌԴ քաղաքացի 1955 թ. ծնված Ռուստամ Շ.-ն, որը հունիսի 7-ից ՌԴ ՆԳՆ Տամբովի տարածաշրջանի ՆԳՎ կողմից հետախուզվում էր ՌԴ քրեական օրենսգրքի 159-րդ հոդվածի 4-րդ մասի /«խարդախություն»/ հատկանիշներով նախատեսված հանցագործություն կատարելու համար:
Ռուստամ Շ.-ի հայտնաբերման մասին հայտնվել է հետախուզումը նախաձեռնողին:
