Պոլիկլինիկայի տնօրենը հիվանդության արձակուրդ մեկնելու համար բուժքրոջից գումար է պահանջե՞լ
Թիվ 16 պոլիկլինիկայի բուժքույրն ահազանգել է. տարիներ առաջ նույն պոլիկլինիկայի տնօրենը տարբեր չափերի գումարներ է պահանջել իրենից՝ որպեսզի կարողանա հիվանդության արձակուրդ գնա և վերապատրաստման դասընթացների հաճախի:
Ըստ կնոջ հայտարարության՝ դեռևս 2015թ. տնօրենն իրենից 40 000 դրամ է պահանջել, որպեսզի ինքը կարողանա 3 ամսով հիվանդության արձակուրդ գնա:
Հաջորդ դեպքն էլ գրանցվել է նախորդ տարի. որպեսզի բուժքույրը կարողանա մասնակցել վերապատրաստման դասընթացների՝ տնօրենը 15 000 դրամ է պահանջել:
Հայտնի է նաև, որ այս ամենի մասին բուժքույրը նախկինում չի բարձրաձայնել:
Աղբյուր` Փաստինֆո
