«Թող այդ Թրամփը չքվի, կորչի Թրամփը». Ռոբերտ դե Նիրոն Դոնալդ Թրամփին հայհոյել է բեմից
Դերասան Ռոբերտ դե Նիրոն անպարկեշտ հայհոյել է՝ խոսելով ԱՄՆ-ի նախագահ Դոնալդ Թրամփի մասին, հաղորդել է TMZ-ն:
Միջադեպը տեղի է ունեցել Նյու Յորքում Tony մրցանակի հանձնման արարողության ժամանակ: Դերասանը բեմ է բարձրացել, որպեսզի արձանիկը հանձնի երաժիշտ Բրյուս Սփրինգսթինին։ «Ես ցանկանում եմ ասել մի բան. Թող այդ Թրամփը չքվի … Հերիք է խոսել: «Կորչի Թրամփը»,- սկսել է ելույթը դե Նիրոն, ինչից հետո դահլիճը թնդացել է ծափահարություններից:
Արարողությունը հեռարձակող CBS հեռուստաալիքի հանդիսականները չեն լսել անպարկեշտ հայհոյանքը, քանի որ այն խլացրել են, հաղորդել է ՌԻԱ Նովոստին:
