Վահան Չերազի արձանը Գյումրու կենտրոնում
Վահան Չերազի արձանը Գյումրու կենտրոնում: Համայնքապետարանում հանրային բաց լսում – քննարկում է տեղի ունեցել: Տարբեր ոլորտների ներկայացուցիչներ առաջարկներով են հանդես եկել և հավանություն տվել նախագծին: Արձանը, համաձայն նախագծի, կտեղադրվի Գյումրու Չերազ և Աբովյան փողոցներին հարող հատվածում: Եթե ավագանին համաձայնություն տա, աշխատանքներն օր առաջ կմեկնարկեն:
Վահան Չերազը Կ.Պոլսի և Հայաստանի Հանրապետության սկաուտական շարժման հիմնադիրներից մեկն է։ Խորհրդային կարգերի օրոք Վահան Չերազը Ալեքսանդրապոլում աշխատել է Ամերիկյան օգնության կոմիտեում (Արմենկոմ), զբաղվել հայ որբերի խնամակալությամբ, կազմակերպել սկաուտական և մարզական մանկապատանեկան խմբեր:
