Ճապոնիայում «Կոկա-Կոլայի» անգույն տարբերակ են թողարկել
The Coca-Cola Company-ն Ճապոնիայի տարածքում թողարկել է թափանցիկ «Կոկա-Կոլա»: Այս մասին հայտնել է The Straits Times սինգապուրյան թերթը: Անգույն ցածր կալորիականությամբ ըմպելիքը՝ կիտրոնի համով, լայն վաճառքի կհանվի հունիսի 11-ին:
Կեսլիտրանց շիշը կարելի կլինի գնել 1,69 դոլարով, 280 մլ ծավալով անոթի գինը կկազմի մեկ դոլարից փոքր-ինչ ավելի: Նշվում է, որ Coca-Cola-ին մեկ տարի է պահանջվել Ճապոնիայի շուկայի համար նոր համի մշակման համար, հաղորդել է ՏԱՍՍ-ը:
