«Թուրքական հոսքի» առաջին գիծը կգործարկվի 2019 թվականին
«Թուրքական հոսքի» առաջին գծով ռուսական գազի մատակարարումները Թուրքիային կսկսվեն մինչեւ 2019 թվականի վերջը: Այդ մասին, ինչպես հաղորդել է «Ինտերֆաքս»-ը, հայտարարել է «Գազպրոմ»-ի վարչության նախագահի տեղակալ Ալեքսանդր Մեդվեդեւը Մոսկվայում կայացած մամուլի ասուլիսում:
Մատակարարումները կսկսվեն մինչեւ 2019 թվականի վերջը, ստույգ ժամկետը կախված է ոչ միայն ծովային տեղամասի իրագործումից, այլեւ թուրքական գազաբաշխիչ համակարգի պատրաստվածությունից: 100 տոկոսով՝ 2019 թվականին. դրանում ոչ մի կասկած չկա»,-ասել է նա:
